Лондоннинг "Арсенал" клуби ҳимоячиси Вильям Салиба "канонирлар" билан янги шартнома шартларини келишиб олди. Бу ҳақда The Athletic хабар бермоқда.
Манбага кўра, 24 ёшли футболчи билан яқин кунларда шартнома имзоланади. Музокаралар май ойидаёқ бошланган, шу билан параллел равишда Салибага Мадриднинг "Реал" клуби фаол қизиқиш билдираётган эди.
Салиба "Арсенал"га 2019 йилда "Сент-Этьен"дан келиб қўшилган эди. У жорий мавсум клуб миқёсида 5 та ўйинда майдонга тушди ва 1 та голли узатмани амалга оширди. Футболчининг Transfermarkt порталидаги нархи 40 миллион еврога баҳоланмоқда.
