Madridning "Atletiko" klubi bosh murabbiyi Diyego Simeone La Liganing 8-turidan o‘rin olgan "Selta"ga qarshi o‘yin natijasidan nega qoniqish hosil qilganiga izoh berdi.
40-daqiqadan boshlab madridliklar ikkita sariq kartochka olgan Kleman Langlening chetlatilishidan keyin bir kishi kam bo‘lib o‘ynashdi.
"60 daqiqa davomida bir kishi kam bo‘lib o‘ynadik va barcha futbolchilar qattiq harakat qilishdi, shuning uchun juda xursandman. Men har doim ijobiylikka e’tibor qarataman. Ijobiy tomoni shundaki, chetlatilish tufayli qiyin vaziyatga tushib qolgan jamoa bunga munosib javob qaytardi," - deya argentinalik mutaxassisning so‘zlarini keltiradi klub matbuot xizmati.
Uchrashuv 1:1 hisobida yakunlandi. "Atletiko" 7-daqiqada Karl Starfeltning avtogoli evaziga hisobda oldinga chiqib olgandi. "Selta" 68-daqiqada javob to‘pini kiritdi.
8 turdan so‘ng Simeone jamoasi 13 ochko bilan turnir jadvalida yettinchi o‘rinda bormoqda.
