Portugaliyaning "Famalikan" klubi vingeri Gustavu Sa Yevropaning ikki top-klubi qiziqishlari doirasida. Bu haqda Calciomercato jurnalistlari xabar bermoqda.
Manbaga ko‘ra, 20 yoshli hujumkor futbolchini "Manchester Siti" va Turinning "Yuventus" klublari o‘z safiga qo‘shib olmoqchi. Yarim himoyachining narxi 16 million yevroga baholanmoqda. Sa va "Famalikon" o‘rtasidagi amaldagi mehnat shartnomasi muddati 2029 yilning yozida tugaydi.
Joriy mavsumda Sa Portugaliya chempionatida 8 ta o‘yinda qatnashib, 2 ta gol urgan.
