Portugaliyalik mutaxassis Vitor Pereyra «Vulverxempton» bosh murabbiyi lavozimidan ozod etildi. Bu haqdagi ma’lumot klubning rasmiy saytida e’lon qilindi.
Pereyra jamoaning APL joriy mavsumidagi omadsiz starti sababli ishdan bo‘shatildi. Yaqin vaqt ichida ingliz jamoasining mashg‘ulotlarini yoshlar jamoalari murabbiylari — Jeyms Kollinz va Richard Uoker olib boradi.
«Biz Vitor va uning jamoasiga qilgan mehnati uchun minnatdorchilik bildiramiz hamda kelgusida ularga omad tilaymiz», — deyiladi klub bayonotida.
Angliya chempionatining 10 ta turidan so‘ng «Bo‘rilar» ikki ochko bilan jadvalning so‘nggi pog‘onasida joylashgan.
