"Shtutgart" tayanch yarim himoyachisi Anjelo Shtiller faoliyatini "Manchester Yunayted"da davom ettirishi mumkin. Bu haqda jurnalist Ekrem Konur ma’lum qildi.
Manbaga ko‘ra, 24 yoshli germaniyalik futbolchi Ruben Amorimning short-listida yetakchi bo‘lib turibdi. Biroq portugaliyalik mutaxassisga "Brayton"dan Karlos Baleba va "Kristal Pelas"dan Adam Uorton ham yoqmoqda. Ta’kidlanishicha, Shtillerning xizmatlariga APL va La Liganing boshqa klublari ham qiziqish bildirmoqda.
Joriy mavsumda Shtiller barcha musobaqalarda 17 ta o‘yinda maydonga tushib, 1 ta gol urdi va 5 ta golli uzatma muallifiga aylandi. Transfermarkt ekspertlari yarim himoyachining narxini 45 million yevroga baholamoqda.
