Yevropa va KONKAKAF mintaqasida JCH-2026 saralashining guruh bosqichi yakuniga yetdi.

Guruh bosqichi yakunlariga ko‘ra yana 5 ta terma jamoa Mundial yo‘llanmasini qo‘lga kiritdi. Ular — Avstriya, Ispaniya, Belgiya, Shotlandiya, Shveysariya milliy jamoalari. Yevropada yana 4 ta yo‘llanma mart oyida o‘tkaziladigan pley-off o‘yinlari orqali aniqlanadi.

KONKAKAF mintaqasidan esa 3 ta jamoa JCHga chiqdi. Ular orasida debyutant bor — Kyurasao! Bu jamoa saralashning so‘nggi turida Yamayka maydonida durangga o‘ynashga muvaffaq bo‘ldi. Natijada Yamayka qit’alararo pley-offga ravona bo‘ldi.

Biz JCHda yana bir debyutantni ko‘rishimiz mumkin edi. Ammo Surinam so‘nggi turda Gvatemalaga yutqazib qo‘yib, yo‘llanmani qo‘ldan chiqardi. "A" guruhida Panama JCHga boradigan bo‘ldi.

"S" guruhida esa kutilmagan jamoa g‘olib chiqdi — Gaiti! Bu jamoa Gonduras va Kosta-Rikani ortda qoldirdi. So‘nggi turda Gonduras va Kosta-Rikaning o‘zaro durang o‘ynashi aynan Gaitiga qo‘l urdi. Gaiti milliy jamoasi o‘z tarixida bir martagina — olis 1974 yilgi Mundialda qatnashgan.

Shu tariqa, JCHga yo‘l olgan jamoalar soni 42 taga yetdi. Qolgan 6 ta yo‘llanma 2026 yil mart oyida o‘tkaziladigan pley-off bahslari orqali aniqlanadi (Evropadan 4 ta, qit’alararo pley-off orqali 2 ta).

JCHga qur’a tashlash marosimi 5 dekabr kuni o‘tkaziladi.

1. AQSH (mezbon)
2. Meksika (mezbon)
3. Kanada (mezbon)
4. Yaponiya
5. Yangi Zelandiya
6. Eron
7. Argentina
8. O‘zbekiston (debyut)
9. Janubiy Koreya
10. Iordaniya (debyut)
11. Avstraliya
12. Braziliya
13. Ekvador
14. Urugvay
15. Kolumbiya
16. Paragvay
17. Marokash
18. Tunis
19. Misr
20. Jazoir
21. Gana
22. Kabo-Verde (debyut)
23. Janubiy Afrika Respublikasi
24. Qatar
25. Angliya
26. Saudiya Arabistoni
27. Kot-d'Ivuar
28. Senegal
29. Fransiya
30. Xorvatiya
31. Portugaliya
32. Norvegiya
33. Germaniya
34. Niderlandiya
35. Avstriya
36. Ispaniya
37. Shotlandiya
38. Belgiya
39. Shveysariya
40. Kyurasao (debyut)
41. Panama
42. Gaiti