Madridning "Real" klubi bosh murabbiyi Xabi Alonso jamoaning qiyinchiliklari haqida gapirdi. Yakshanba kuni "qaymoqranglilar" autsayder "Jirona" bilan durang o‘ynab (1:1), yana ochko yo‘qotishdi. Bu poytaxt grandining La Ligadagi ketma-ket uchinchi durangidir.
"Ketma-ket uchta durangdan keyin futbolchilarga e’tirozim yo‘q. Barcha holatlarda biz g‘alabaga yaqin edik. Mavsum davomida har doim ko‘tarilish va pasayishlar bo‘lib turadi. Hujumda keskinroq o‘ynashimiz, to‘pni uzoqroq nazorat qilishimiz kerak. Biz o‘yinni yaxshilash uchun bu muammoni tahlil qilamiz," - deya Alonsoning so‘zlarini keltiradi Madrid Universal.
Ketma-ket muvaffaqiyatsizliklar "Real"ni birinchi ikkinchi o‘ringa tushirib yubordi: madridliklar jadvalda peshqadamlikni "Barselona"ga boy berdi, uning hisobida hozirda bir ochko ko‘proq.
