"Milan" klubi sport direktori Igli Tare fransiyalik darvozabon Mayk Menyan bilan shartnoma masalasi haqida fikr bildirdi. Ayni paytda fransuz hali shartnomani uzaytirish bo‘yicha muzokaralarga kirishmagan, ammo klub rahbariyati bu borada xavotirga o‘rin yo‘q deb hisoblamoqda.
- Menyan biz o‘ylagandek yaxshi harakat qilmoqda. U ajoyib mavsum o‘tkazmoqda. Biz mavsum boshida kelishib olgandik, bir-birimizga bosim o‘tkazmasdan oldinga boryapmiz. Biz xotirjamlik bilan muloqot qilamiz, e’tiborimizni o‘yinlarga qaratamiz, keyin esa hammasi qanday bo‘lishini ko‘ramiz," - deya Tarening so‘zlarini keltiradi La Gazetta dello Sport.
Klub darvozabonga yiliga 5 mln yevro berishga tayyor, ammo u kattaroq maoshga umid qilmoqda. Ayni damda fransiyalik futbolchini "Bavariya" va Angliyaning bir qator klublari kuzatib bormoqda.
