"Милан" клуби спорт директори Игли Таре франциялик дарвозабон Майк Меньян билан шартнома масаласи ҳақида фикр билдирди. Айни пайтда француз ҳали шартномани узайтириш бўйича музокараларга киришмаган, аммо клуб раҳбарияти бу борада хавотирга ўрин йўқ деб ҳисобламоқда.
- Меньян биз ўйлагандек яхши ҳаракат қилмоқда. У ажойиб мавсум ўтказмоқда. Биз мавсум бошида келишиб олгандик, бир-биримизга босим ўтказмасдан олдинга боряпмиз. Биз хотиржамлик билан мулоқот қиламиз, эътиборимизни ўйинларга қаратамиз, кейин эса ҳаммаси қандай бўлишини кўрамиз," - дея Таренинг сўзларини келтиради La Gazetta dello Sport.
Клуб дарвозабонга йилига 5 млн евро беришга тайёр, аммо у каттароқ маошга умид қилмоқда. Айни дамда франциялик футболчини "Бавария" ва Англиянинг бир қатор клублари кузатиб бормоқда.
