"Manchester Yunayted" tayanch yarim himoyachisi Manuel Ugarte qishki transferlar davrida jamoani tark etmoqchi. Bu haqda jurnalist Erol Evsen xabar bermoqda.
Manbaga ko‘ra, Ugartening chiqishlarini "Galatasaroy" klubi diqqat bilan kuzatib bormoqda. Turk klubi xavbekni ijaraga olishga ham, uni doimiy sotib olishga ham tayyor. Ugarte "Sporting"da Ruben Amorim qo‘l ostida o‘ynaganiga qaramay, murabbiy uning "Old Trafford"dagi o‘yinidan qoniqmayapti.
Joriy mavsumda 24 yoshli urugvaylik futbolchi Angliya chempionatida o‘nta o‘yinda maydonga tushdi va gol urolmadi. Uning "Manchester Yunayted" bilan shartnomasi 2029 yilning iyunida yakuniga etadi. Transfermarkt portali futbolchining narxini 35 mln yevroga baholamoqda.













