Italiya chempionatining 15-turida "Roma" o‘z maydonida "Komo"ni qabul qildi va minimal hisobda g‘alaba qozondi - 1:0. Uchrashuvdagi yagona to‘p ikkinchi bo‘limda kiritildi. O‘yin tafsilotlarini rimliklar ustozi Jan-Pyero Gasperini sharhlab o‘tdi.
"Albatta, har doim kattaroq, ishonchliroq g‘alaba qozonishni xohlaymiz. Ammo bizga hali so‘nggi zarba, so‘nggi pasning aniqligi yetishmayapti. Ammo maydonda jamoa ko‘p narsa yaratdi," - deya Gasperinining so‘zlarini keltiradi Forzaroma.it.
"Roma" Italiya chempionati doirasidagi navbatdagi o‘yinini 20 dekabr, shanba kuni Turinning "Yuventus" klubiga qarshi o‘tkazadi.
