Италия чемпионатининг 15-турида "Рома" ўз майдонида "Комо"ни қабул қилди ва минимал ҳисобда ғалаба қозонди - 1:0. Учрашувдаги ягона тўп иккинчи бўлимда киритилди. Ўйин тафсилотларини римликлар устози Жан-Пьеро Гасперини шарҳлаб ўтди.
"Албатта, ҳар доим каттароқ, ишончлироқ ғалаба қозонишни хоҳлаймиз. Аммо бизга ҳали сўнгги зарба, сўнгги паснинг аниқлиги етишмаяпти. Аммо майдонда жамоа кўп нарса яратди," - дея Гасперинининг сўзларини келтиради Forzaroma.it.
"Рома" Италия чемпионати доирасидаги навбатдаги ўйинини 20 декабрь, шанба куни Туриннинг "Ювентус" клубига қарши ўтказади.
