"Manchester Yunayted" va Portugaliya terma jamoasi yarimhimoyachisi Brunu Fernandesh milliy jamoa o‘z sardori Krishtianu Ronaldusiz yaxshiroq o‘ynayotgani haqidagi pozisiyaga qanday munosabatda ekanini aytdi.
"Bu masalani muhokama qilishda menda muammo yo‘q. Odamlar nima deb o‘ylashini bilaman - Ronaldu yo‘qligida yaxshiroq o‘ynashimiz aniq, futbolchilar erkinroq va moslashuvchanroq. Agar shunday bo‘lsa, bunga qisman o‘zimiz aybdormiz. Bizni to‘xtatib turgan yagona omil Krishtianu bo‘lishiga yo‘l qo‘ya olmaymiz. U jarima maydonida foydali bo‘lishi mumkin, u juda yuqori darajadagi o‘yinchi, u himoyachilarni chalg‘itadi va boshqa o‘yinchilar uchun bo‘shliq yaratadi.
Gonsalu Ramush pressingda kuchli va diagonal yugurishda yaxshi. Men o‘ynamayotganimda, "o‘nlik" o‘rnini Bernardu Silva egallaganida, u jamoaga ko‘proq to‘pga egalik qilish imkonini beradi, men ko‘proq yakunlovchi paslar beraman. Barcha o‘yinchilar o‘z hissalarini qo‘shadilar va nimanidir tortib oladilar. Krishtianu ham biz kabi. Biz moslasha olishimiz va milliy jamoaga foyda keltirishi uchun bir-birimizning sifatlarimizni kuchaytirishimiz kerak", - dedi Fernandesh Canal 11 telekanaliga bergan intervyusida.
2025 yilda Ronaldu Portugaliya terma jamoasi safida 9 ta o‘yinda 8 ta gol urdi.
