Madridning "Atletiko" klubi bosh murabbiyi Diyego Simeone "Jirona"ga qarshi kechgan g‘alabali o‘yin haqida fikrlarini bildirdi. La Liga 17-tur uchrashuvi 0:3 hisobida yakunlandi.

"Jamoa safarda oldinga siljimoqda, chunki himoya va hujum kuchlari oshdi. Biz har doim o‘yinni ijobiy natija bilan yakunlashga intilamiz," - deya mutaxassisning so‘zlarini keltiradi Marca.

"Sorlot - biz uchun juda muhim o‘yinchi. So‘nggi paytlarda u o‘zini yanada faolroq va muhimroq his qilmoqda. Bu ko‘zga tashlanadi. U yuguradi, yorib o‘tadi... bizga Grizmann yoki Raspadoridan farq qiladigan nimadir beradi."

Ushbu bellashuvdan so‘ng "Atletiko" 37 ochko bilan 3-o‘rinda bormoqda. "Real"da 42 ochko, "Barselona"da 43 ochko bor. "Jirona" 15 ochko bilan o‘n sakkizinchi.