Мадриднинг "Атлетико" клуби бош мураббийи Диего Симеоне "Жирона"га қарши кечган ғалабали ўйин ҳақида фикрларини билдирди. Ла Лига 17-тур учрашуви 0:3 ҳисобида якунланди.

"Жамоа сафарда олдинга силжимоқда, чунки ҳимоя ва ҳужум кучлари ошди. Биз ҳар доим ўйинни ижобий натижа билан якунлашга интиламиз," - дея мутахассиснинг сўзларини келтиради Marca.

"Сорлот - биз учун жуда муҳим ўйинчи. Сўнгги пайтларда у ўзини янада фаолроқ ва муҳимроқ ҳис қилмоқда. Бу кўзга ташланади. У югуради, ёриб ўтади... бизга Гризманн ёки Распадоридан фарқ қиладиган нимадир беради."

Ушбу беллашувдан сўнг "Атлетико" 37 очко билан 3-ўринда бормоқда. "Реал"да 42 очко, "Барселона"да 43 очко бор. "Жирона" 15 очко билан ўн саккизинчи.