Istanbul prokuraturasi turk futbolidagi noqonuniy stavkalar bo‘yicha tergov doirasida 29 kishini hibsga olishga order berdi, ular orasida 14 nafar futbolchi ham bor. Bu haqda TRT Haber onlayn nashri xabar bermoqda. Manbaga ko‘ra, gumonlanuvchilar orasida 14 nafar futbolchidan tashqari "Galatasaroy"ning sobiq bosh direktori Erden Temur ham bor.
Avvalroq Turkiya futbol federasiyasi noqonuniy stavkalar bilan bog‘liq epizodlar bo‘yicha tekshiruv boshlagan edi. Qo‘zg‘atilgan ishlar doirasida 1024 nafar futbolchi o‘tmoqda. 102 nafar futbolchi 45 kundan bir yilgacha diskvalifikasiya qilindi.
O‘tgan oyda Turkiya futbol federasiyasi prezidenti Ibrohim Hojiosmono‘g‘li noqonuniy stavkalar bilan bog‘liq ishlar natijasida 50 milliard dollardan ortiq mablag‘ mamlakatdan tashqariga olib chiqib ketilganini ma’lum qilgan edi.
