Mayk Menyan bilan shartnomani uzaytirish masalasida sezilarli siljish bo‘lmagani va fransiyalik posbonning "Milan"ni tark etish ehtimoli yuqoriligicha qolayotgani sababli, klub rahbariyati muqobil variantlarni ko‘rib chiqmoqda. Ulardan biri Braziliyaning "Korintians" klubi darvozaboni Ugo Souza bo‘lishi mumkin.
Italiyalik nufuzli jurnalist Fabrisio Romanoning yozishicha, italiyaliklar allaqachon darvozabon borasida taklif bilan chiqqan, ammo "Korintians"dagilar u taklifni kam deb topgan. Ya’ni tez orada yana bir taklif bo‘lishi mumkin, ammo braziliyaliklar jahon chempionatini kutishni va shundan keyingina futbolchini sotishni istashlarini ma’lum qilishdi.
