Майк Меньян билан шартномани узайтириш масаласида сезиларли силжиш бўлмагани ва франциялик посбоннинг "Милан"ни тарк этиш эҳтимоли юқорилигича қолаётгани сабабли, клуб раҳбарияти муқобил вариантларни кўриб чиқмоқда. Улардан бири Бразилиянинг "Коринтианс" клуби дарвозабони Уго Соуза бўлиши мумкин.

Италиялик нуфузли журналист Фабрицио Романонинг ёзишича, италияликлар аллақачон дарвозабон борасида таклиф билан чиққан, аммо "Коринтианс"дагилар у таклифни кам деб топган. Яъни тез орада яна бир таклиф бўлиши мумкин, аммо бразилияликлар жаҳон чемпионатини кутишни ва шундан кейингина футболчини сотишни исташларини маълум қилишди.