Madridning "Real" klubi Dortmundning "Borussiya" klubi futbolchisi Niko Shlotterbekni kuzatishda davom etmoqda. Bu haqda Bild xabar bermoqda.

Manbaga ko‘ra, "Borussiya" rahbariyati markaziy himoyachi uchun 70 million yevro olmoqchi. Eslatib o‘tamiz, "Bavariya" va "Barselona" ham anchadan buyon Shlotterbekka qiziqish bildirmoqda, ammo aynan "Real" yaqin orada aniq harakatlarga o‘tmoqchi.

Germaniyalik futbolchining klub bilan shartnomasi 2027 yilda yakuniga etadi. "Borussiya"ning darajasi yevrokuboklarda g‘alaba qozonishga imkon bermasligi tufayli Shlotterbek uni uzaytirishi dargumonligi hozirdanoq ko‘rinib turibdi.

Joriy mavsumda Shlotterbek klub miqyosida 18 ta o‘yinda maydonga tushib, 3 ta ogohlantirish oldi, 1 ta gol urdi va 2 ta golli uzatmani amalga oshirdi.