Myunxenning "Bavariya" klubi chempionatdagi gollari soni bo‘yicha top-5 liga klublari orasida yetakchilik qilmoqda, deb yozadi Opta.
Nemis klubi 2025 yilda Bundesligada 107 ta gol urdi, bu Yevropaning beshta yetakchi chempionatlari orasida eng yaxshi natijadir. Ushbu ko‘rsatkich bo‘yicha ham rekord Myunxen jamoasiga tegishli bo‘lib, 2021 yilda o‘rnatilgan. O‘shanda "Bavariya" 116 ta gol urgandi.
Joriy mavsum Germaniya chempionatida o‘tkazilgan 15 o‘yindan so‘ng "Bavariya" ochkolarini 41taga yetkazib, eng yaqin ta’qibchisi Dortmundning "Borussiya"sini 9 ochkoga ortda qoldirgan holda peshqadamlik qilmoqda. Chempionlar Ligasida myunxenliklar olti o‘yindan keyin 15 ochko bilan turnir jadvalida ikkinchi o‘rinda bormoqda.
