Xorvatiyalik yarim himoyachi Luka Modrich restoran biznesi unga doimo yoqqanini va agar futbolchi bo‘lmaganida shu sohaga o‘zini bag‘ishlagan bo‘lishini aytdi.
Uning so‘zlariga ko‘ra, hatto ofisiant bo‘lishning o‘zi ham unga yetarli edi, garchi u idish-tovoq yuvishni yoqtirmasa ham.
«Menga oddiylik yoqadi. Oddiy oila, oddiy hayot, mayda-chuyda narsalar. O‘zimni alohida inson deb his qilmayman. Butun umrim davomida biror marta ham o‘zimni boshqalardan ustun deb o‘ylamaganman. Agar futbolchi bo‘lmaganimda, ofisiant bo‘lishni istardim.
Bu ishni yaxshi bajarar edim, menga yoqardi. Men mehmonxona xo‘jaligi maktabida o‘qiganman. Birinchi kursda Zadarda joylashgan “Marina” restoranida amaliyot o‘taganmiz, u yerda to‘y marosimlari o‘tkazilardi. Men ichimliklar tarqatar edim, xorvat to‘ylarida esa ko‘p ichishadi. Menga yoqmagan yagona narsa — idish-tovoq yuvish edi».













