Londonning "Chelsi" klubi braziliyalik hujumchi Vinisius Junior uchun 150 mln yevrolik taklif tayyorlamoqda. Bu haqda Fichajes nashri yozmoqda.
Manbalarga ko‘ra, ushbu summaga 125 mln yevro miqdoridagi qat’iy transfer to‘lovi va 25 mln yevro miqdoridagi samaradorlik bonuslari kiradi. Insayderlarning ta’kidlashicha, Vinisius "Chelsi" taklifini obdon ko‘rib chiqishga tayyor.
Avvalroq, braziliyalik va "Real" o‘rtasidagi yangi shartnoma bo‘yicha muzokaralar boshi berk ko‘chaga kirib qolgani ma’lum bo‘lgandi. Amaldagi kelishuv 2027 yilning yoziga qadar mo‘ljallangan.
