Angliya chempionatining 20-turidan o‘rin olgan "Lids" - "Manchester Yunayted" (1:1) uchrashuvi oldidan fojiali holat yuz berdi.
Uchrashuv boshlanishidan oldin tribunadagi muxlislardan biri o‘zini yomon his qildi - unga shoshilinch tibbiy yordam ko‘rsatildi, biroq muxlisni qutqarib qolishning iloji bo‘lmadi. Klub hodisani tasdiqladi va marhumning yaqinlariga hamdardlik bildirdi.
"Lids"ning ta’kidlashicha, barcha xodimlar va jamoa sodir bo‘lgan voqeadan chuqur ta’sirlangan va ushbu og‘ir damda muxlis oilasining qayg‘usiga sherik bo‘lgan.













