Myunxenning "Bavariya" klubi sobiq futbolchisi Lotar Matteus iste’dodli yarim himoyachi Lennart Karlning "Real"da o‘ynash istagi borligi haqidagi so‘zlariga munosabat bildirdi.
"Bu balandparvoz gaplar va katta maqsad. Karlning bayonoti ko‘p shov-shuvga sabab bo‘ldi. Menimcha, bu 17 yoshli futbolchi uchun yaxshi. "Bavariya"da abadiy qolaman, deyish shart emas. Insonning orzusi bo‘lsa, bu normal holat. Lennart o‘zining shuhratparast va o‘z kuchiga ishonganligini ko‘rsatdi. U "Real"ning e’tiborini tortish uchun Myunxenda o‘zini yaxshi ko‘rsatishi kerak", - deya Matteusning so‘zlarini keltiradi Sky Sport.
Yarim himoyachining shartnomasi 2028 yilning yoziga qadar mo‘ljallangan. Karlning transfer narxi 60 million yevroni tashkil etadi.
