Portugaliya liga kubogining 2025/2026 yilgi mavsumi doirasida yarim final uchrashuvlari yakunlandi va musobaqa bosh sovrini uchun kurashadigan jamoalar ma’lum bo‘ldi.

Hal qiluvchi final bahsida «Braga» hamda «Vitoriya Gimaraynsh» jamoalari o‘zaro to‘qnash keladi.

Eslatib o‘tamiz, yarim finalda «Braga» «Benfika»ni ishonchli tarzda mag‘lub etdi (3:1), «Vitoriya» esa Lissabonning «Sporting» jamoasidan ustun keldi (2:1). Final uchrashuvi 10 yanvardan 11 yanvarga o‘tar kechasi bo‘lib o‘tadi.

Ayni paytda musobaqaning amaldagi hamda eng ko‘p sovrin yutib olgan g‘olibi Lissabonning «Benfika» jamoasi hisoblanadi. O‘tgan mavsum finalida «Benfika» «Sporting»ni penaltilar seriyasida mag‘lub etgan edi (1:1, penaltilar — 7:6).