"Manchester Siti" hujumchisi Erling Holand Angliya Premyer-ligasi tarixidagi 35 000-gol muallifiga aylandi, deb yozadi Opta X ijtimoiy tarmog‘ida. Norvegiyalik forvard APL 21-turidan o‘rin olgan "Brayton"ga (1:1) qarshi o‘yinda gol urdi. 30 000-gol urilganidan beri to‘rt yilu 131 kun o‘tdi, uning muallifi "Byornli" a’zosi Kris Vud edi.
Joriy mavsumda 25 yoshli Holand APLning 21ta o‘yinida 20ta gol urib, Angliya chempionati to‘purarlar poygasida peshqadamlik qilmoqda. "Manchester Siti" ochkolarini 43taga yetkazib, APL turnir jadvalida 2-o‘rinda bormoqda.
Chempionatda Londonning "Arsenal" klubi peshqadamlik qilmoqda.













