Bugun, 9 yanvar kuni "Manchester Siti" "Bornmut" vingeri Antuan Semenyo transferini rasman e’lon qildi.
Transfer narxi 72 million yevroni tashkil etdi. Gana terma jamoasi futbolchisi bilan 2031 yilning 30 iyuniga qadar shartnoma imzolangan.
The Times xabariga ko‘ra, "Bristol Siti" Semenyoning "Manchester Siti"ga o‘tishi uchun taxminan 12 million yevro ishlab olgan. Bunday summaga 2023 yilda vinger 10 million yevro evaziga "Bornmut"ga o‘tganida, kelishuvga futbolchining keyingi sotuvidan ulush kiritish bandi kiritilgani sabab erishilgan.
Joriy mavsumda Antuan Semenyo barcha musobaqalarda 21 ta o‘yinda maydonga tushib, 10 ta gol urdi va 3 ta golli uzatmani amalga oshirdi.
