Ispaniya Superkubogi finalida Kataloniyaning "Barselona" klubi Madridning "Real" klubiga qarshi bahs olib boradi. "Ko‘k-anorranglilar"ning sobiq futbolchisi Abelardo bo‘lajak uchrashuv haqidagi fikrlari bilan o‘rtoqlashdi.
"Barselona" hozir "Real"dan yaxshiroq ko‘rinmoqda, ammo men favorit deb hisoblangan jamoaning mag‘lub bo‘lganiga ko‘p bor guvoh bo‘lganman. Keskin va sermahsul finalni kutaman. Flik jamoasi g‘alaba qozonishini istayman, hozir ular raqibdan biroz kuchliroq", - deya Abelardoning so‘zlarini keltiradi AS.
"Barselona" - "Real" uchrashuvi bugun, 11 yanvar kuni Saudiya Arabistonida bo‘lib o‘tadi va Toshkent vaqti bilan soat 00:00 da boshlanadi.
