Turkiya kubogi musobaqasi 6-bosqichi "A" guruhining 2-turi doirasida «Istanbul Bashakshehir» o‘z maydonida «Boluspor»ni qabul qildi.
Mezbonlar bosh murabbiyi Nuri Shahin asosiy tarkibga o‘zbekistonlik ikki futbolchi — Abbos Fayzullayev va Eldor Shomurodovni asosiy tarkibda maydonga tushirdi.
Bahsning 14-daqiqasida Abbos Fayzullayev sariq kartochka oldi. 23-daqiqada esa hamyurtimiz burchak zarbasini amalga oshirdi va Opoku Jerome bosh bilan darvozani ishg‘ol qildi.
Birinchi bo‘lim so‘ngida mehmonlar futbolchisi Usluo‘glu hisobni tenglashtirdi.
O‘yin tugashiga 6 daqiqa qolganida Nunu Da Koshta "Bashakshehir"ga g‘alaba keltiruvchi gol muallifi bo‘ldi.
Abbos Fayzullayev 60-daqiqada zaxiraga olingan bo‘lsa, Eldor Shomurodov bahs oxirigacha maydonda qoldi.
«Istanbul Bashakshehir» ushbu g‘alaba evaziga o‘z ochkolarini 3 taga yetkazdi va guruhda 3-o‘ringa ko‘tarilib oldi (guruhda 8 ta jamoa bor).
Turkiya kubogi. "A" guruhi, 2-tur
«Istanbul Bashakshehir» - «Boluspor» - 2:1
Gol: Opoku Jerome (23), Nunu Da Koshta (84) — Usluo‘glu (45)













