O‘zbekistonlik grossmeyster Nodirbek Abdusattorov Germaniyaning Vayssenxaus shahrida 2026 yil 13–15 fevral kunlari bo‘lib o‘tadigan FIDE Freestyle Chess Jahon chempionatida ishtirok etish huquqini qo‘lga kiritdi.
Abdusattorov Chess.com platformasida o‘tkazilgan rasmiy saralash turnirida g‘olib chiqib, yo‘llanma sohibi bo‘ldi.
Dastlab 100 nafardan ortiq shaxmatchilar o‘rtasida 9 turda iborat "shveysarcha tizim"da vatandoshimiz 7 ochko bilan peshqadam bo‘ldi. Shundan so‘ng 4 shaxmatchi pley-off formatida g‘olibni aniqlashdi. Nodirbek yarim finalda eronlik Amin Tabataboiy ustidan 1,5-0,5 hisobida g‘alaba qozondi.
Finalda esa Abdusattorov hindistonlik Pranaf Venkateshni 2:0 hisobida mag‘lub etdi.
Ushbu g‘alaba orqali Nodirbek Abdusattorov chempionatda qatnashish avvalroq qo‘lga kiritgan yetti shaxmatchining safiga qo‘shildi.
Shu tariqa, FIDE Freestyle Chess Jahon chempionatida quyidagi grossmeysterlar ishtirok etishadi:
Magnus Karlsen (Norvegiya)
Levon Aronyan (AQSH)
Fabiano Karuana (AQSH)
Vinsent Keymer (Geryaaniya)
Arjun Erigaisi (Hindiston)
Javohir Sindarov (O‘zbekiston)
Xans Nimann (AQSH)
Nodirbek Abdusattorov (O‘zbekiston)
Ma’lumot o‘rnida, mazkur musobaqa FIDE va Freestyle Chess tomonidan hamkorlikda tashkil etilayotgan ilk jahon chempionati hisoblanadi va u yangi formatdagi birinchi jahon chempionni aniqlab beradi.













