"Milan" Italiya chempionatining 21-turida g‘alaba qozonishga muvaffaq bo‘ldi, Massimiliano Allegri jamoasi "Lechche"dan ustun keldi. O‘yin voqealariga o‘tgan yozda klubga ko‘chib o‘tgan "Milan" yarimhimoyachisi Ardon Yashari izoh berdi.
"Bu yil har bir o‘yin oson kechmayapti. Bugun ham oson bo‘lmadi, lekin g‘alabaga haqli edik. Balki kattaroq g‘alabaga ham loyiqdirmiz. "San-Siro"da o‘z muxlislari ko‘z o‘ngida ilk golini urgan Niklas uchun xursandman. Bu futbolka bilan faxrlanaman", - deya yarimhimoyachining so‘zlarini keltiradi pianetamilan.it.
G‘alaba evaziga "Milan" Italiya chempionatida peshqadamlik qilayotgan "Inter"dan 3 ochko ortda qolmoqda.













