«Real» bosh murabbiyi Alvaro Arbeloa Ispaniya chempionatining 21-turida «Vilyarreal»ga qarshi o‘yinda (0:2) qozonilgan g‘alabadan so‘ng jamoa hujumchilari Kilian Mbappe va Vinisius Junior haqida o‘z fikrlari bilan o‘rtoqlashdi.

«Bu — dunyodagi eng yaxshi ikki futbolchi. O‘yin taqdirini tubdan o‘zgartirishga qodir bo‘lgan ikki o‘yinchi. Biz imkoni boricha ko‘proq to‘pni nazorat qilishga harakat qilamiz. Vini qanotda to‘pni qabul qiladi, Mbappe esa bo‘sh hududlarga ochiladi. Ular haqida sizga yangi bir narsa aytib o‘tirmayman. Ammo men ularning holati va mehnatidan juda mamnunman.

Ular jamoaga juda sadoqatli: birinchi bo‘lib pressing qiladilar, yarim himoyachilar bilan hamkorlik qiladilar, fidoyilik va jipslik ko‘rsatadilar… va buning mukofoti sifatida gollar kiritilayotganidan juda xursandman», — deya Arbeloaning so‘zlarini keltiradi Managing Madrid.

Qayd etilishicha, «Real»ning g‘alabali seriyasi ketma-ket beshta uchrashuvga yetdi.