"Tottenxem" bosh murabbiyi Tomas Frank APL doirasidagi "Byornli"ga (2:2) qarshi o‘yindagi durangdan keyin yana bosim ostida qoldi.
"Shporlar" chempionat autsayderlaridan birini mag‘lub eta olmadi. Insayder Fabrisio Romanoning yozishicha, yaqinda Chempionlar ligasida "Borussiya" ustidan qozonilgan g‘alaba Frankka bo‘lgan bosimni pasaytirgan, ammo endi daniyalik mutaxassis yana ishdan bo‘shatilishi mumkin. Natijalar yaxshilanmasa, tez orada iste’fo berilishi mumkin.
Tomas Frank "Tottenxem"ni o‘tgan yilning yozidan buyon boshqarib kelmoqda. Mish-mishlarga ko‘ra, London klubi hozirgi bosh murabbiyi bilan xayrlashgan taqdirda Xabi Alonso va Xavi Ernandesni tayinlash imkoniyatini ko‘rib chiqmoqda.
