Xabi Alonso "Liverpul"da Arne Slotning o‘rnini egallashi mumkin. Mersisaydliklar niderlandiyalik mutaxassis qo‘l ostida ikkinchi mavsumda o‘z o‘yinini topa olmayapti. Yaqinda "Bornmut"dan uchralgan mag‘lubiyatdan (2:3) keyin matbuotda "qizillar"ning hozirgi bosh murabbiyi iste’foga chiqishi mumkinligi haqida yana gapira boshlashdi. Uning o‘rniga ikki hafta oldin "Real"dan iste’foga chiqarilgan Xabi Alonso asosiy nomzod bo‘lib turibdi.

Biroq, insayder Fabrisio Romanoning ma’lumotlariga ko‘ra, ingliz grandi hozircha ispaniyalik murabbiy bilan bog‘lanmagan.

"Menda "Liverpul"ning Alonso agentlari bilan rasmiy aloqalari haqida hech qanday ma’lumot yo‘q. Xabi iloji boricha tezroq murabbiylikka qaytmoqchi. "Liverpul"da uni taklif qilishni avval ham ko‘rib chiqishgan va albatta, hozir ham qadrlashmoqda. Agar klubda o‘zgarish qilishga qaror qilinsa, u nomzod bo‘lishi mumkin, ammo hozircha bu haqda hech narsa bilmayman," - deydi mutaxassis.

Chorshanba kuni Arne Slot jamoasi Chempionlar ligasi doirasida "Qorabog‘"ga qarshi bahs olib boradi.