"Inter" bosh murabbiyi Kristian Kivu jamoa yarim himoyachisi Pyotr Zelinskining so‘nggi o‘yinlardagi harakatlariga baho berdi.

"Pyotr o‘z o‘yinidan mamnun bo‘lishi kerak, biz ham. Gap ajoyib fazilatlarga ega fantastik o‘yinchi haqida ketmoqda. U o‘zi uchun qulay bo‘lmagan pozisiyada o‘ynaydi, lekin jamoaga yordam berish uchun qo‘lidan kelganini qiladi. Uning ahvoli yaxshilanishda davom etadi va u keyingi o‘yinlarda muhim bo‘ladi," - deya Kivuning so‘zlarini keltiradi klub matbuot xizmati.

Joriy mavsumda 31 yoshli polshalik xavbek barcha musobaqalarda 28 ta uchrashuvda qatnashib, 4 ta gol urdi va 2 ta golli uzatmani amalga oshirdi.