"Интер" бош мураббийи Кристиан Киву жамоа ярим ҳимоячиси Пётр Зелиньскининг сўнгги ўйинлардаги ҳаракатларига баҳо берди.

"Пётр ўз ўйинидан мамнун бўлиши керак, биз ҳам. Гап ажойиб фазилатларга эга фантастик ўйинчи ҳақида кетмоқда. У ўзи учун қулай бўлмаган позицияда ўйнайди, лекин жамоага ёрдам бериш учун қўлидан келганини қилади. Унинг аҳволи яхшиланишда давом этади ва у кейинги ўйинларда муҳим бўлади," - дея Кивунинг сўзларини келтиради клуб матбуот хизмати.

Жорий мавсумда 31 ёшли польшалик хавбек барча мусобақаларда 28 та учрашувда қатнашиб, 4 та гол урди ва 2 та голли узатмани амалга оширди.