"Barselona" yarim himoyachisi Mark Kasado bolaligidan «ko‘k-anorranglilar» safida to‘p surishni orzu qilganini aytdi.

«Bolaligimdan “Barselona”da o‘ynashni orzu qilganman. Hozir menda shu imkoniyat bor ekan, uni saqlab qolish uchun kurashishda davom etaman. Kecha his qilgan muxlislar qo‘llab-quvvatlovi menda katta faxr uyg‘otdi», — deya Kasadoning so‘zlarini keltiradi Barca Universal.

Kasado — "Barselona" tarbiyalanuvchisi. Joriy mavsumda 22 yoshli ispaniyalik barcha musobaqalarni hisobga olganda 21 ta uchrashuvda maydonga tushib, bitta golli uzatmani amalga oshirdi.

Uning katalon klubi bilan amaldagi shartnomasi 2028 yilning o‘rtalarigacha mo‘ljallangan.