"Барселона" ярим ҳимоячиси Марк Касадо болалигидан «кўк-анорранглилар» сафида тўп суришни орзу қилганини айтди.
«Болалигимдан “Барселона”да ўйнашни орзу қилганман. Ҳозир менда шу имконият бор экан, уни сақлаб қолиш учун курашишда давом этаман. Кеча ҳис қилган мухлислар қўллаб-қувватлови менда катта фахр уйғотди», — дея Касадонинг сўзларини келтиради Barca Universal.
Касадо — "Барселона" тарбияланувчиси. Жорий мавсумда 22 ёшли испаниялик барча мусобақаларни ҳисобга олганда 21 та учрашувда майдонга тушиб, битта голли узатмани амалга оширди.
Унинг каталон клуби билан амалдаги шартномаси 2028 йилнинг ўрталаригача мўлжалланган.
