«Yuventus» klubi «Galatasaroy» hujumchisi Mauro Ikardiga qiziqish bildirmoqda. Bu haqda jurnalist Ekrem Konur X ijtimoiy tarmog‘ida xabar qildi.
Italiya klubi futbolchiga bir yarim yillik shartnoma taklif etishga tayyor. «Yuventus» bosh murabbiyi Luchano Spalletti avvalroq Ikardi bilan «Inter»da birga ishlagan va hujumchini yuqori baholaydi. Ikardining «Galatasaroy» bilan amaldagi mehnat shartnomasi 2026 yil 30 iyungacha mo‘ljallangan.
Avvalroq turinliklar jamoaning hujum salohiyatini kuchaytirish uchun forvard qidirayotgani haqida xabar berilgan edi.
Joriy mavsumda Ikardi Turkiya chempionatida 18 ta o‘yinda to‘qqizta gol urdi. Transfermarkt portali ma’lumotlariga ko‘ra, futbolchining transfer qiymati €6 mlnni tashkil qiladi.













