Hujumchi Jan-Filipp Matetaning "Kristal Pelas"dan "Milan"ga o‘tishi amalga oshmaydi.
Janluka Di Marsioning xabar berishicha, klub tomonidan o‘tkazilgan qo‘shimcha tekshiruv va baholashlardan so‘ng, 28 yoshli fransiyalik futbolchini o‘z safiga qo‘shib olmaslikka qaror qilingan.
Daniele Longoning ta’kidlashicha, "Milan" bugun o‘tkazilgan chuqurlashtirilgan tibbiy ko‘rikdan so‘ng shunday qarorga kelgan.
Avvalroq, "Milan" Matetaning transferini "Pelas" bilan 30 mln yevroga kelishib olgani haqida xabarlar tarqalgan edi.
Mateta bu mavsumda APLda 23ta o‘yinda maydonga tushib, 8ta gol urdi.
