Ҳужумчи Жан-Филипп Матетанинг "Кристал Пэлас"дан "Милан"га ўтиши амалга ошмайди.
Жанлука Ди Марционинг хабар беришича, клуб томонидан ўтказилган қўшимча текширув ва баҳолашлардан сўнг, 28 ёшли франциялик футболчини ўз сафига қўшиб олмасликка қарор қилинган.
Даниэле Лонгонинг таъкидлашича, "Милан" бугун ўтказилган чуқурлаштирилган тиббий кўрикдан сўнг шундай қарорга келган.
Аввалроқ, "Милан" Матетанинг трансферини "Пэлас" билан 30 млн еврога келишиб олгани ҳақида хабарлар тарқалган эди.
Матета бу мавсумда АПЛда 23та ўйинда майдонга тушиб, 8та гол урди.













