Argentinalik hujumchi Lionel Messi «Galatasaroy» bilan qisqa muddatli shartnoma tuzish imkoniyatini ko‘rib chiqmoqda. Bu haqda jurnalist Levent Tyuzemen xabar berdi.

Manbaga ko‘ra, Messi jahon chempionatiga tayyorgarlik ko‘rish uchun o‘yin amaliyotiga muhtoj. Shu bilan birga, u noodatiy shart qo‘ymoqda: faqat Istanbuldagi uy o‘yinlarida maydonga tushishga tayyor.

Ayni paytda Messi «Inter Mayami»ga tegishli. O‘tgan mavsumda u chempionatda 34 ta uchrashuv o‘tkazib, 35 ta gol urdi va 28 ta golli pas berdi.