UFC prezidenti Dana Uayt boshqaruvidagi Zuffa Boxing promouterlik kompaniyasi dunyoga mashhur britaniyalik Tayson Fyuri va Entoni Joshua o‘rtasidagi jang tashkilotchisi bo‘lishi mumkin. Bu haqda BoxingScene nashri xabar bermoqda.
Ma’lumotlarga ko‘ra, shouni Netflix platformasi efirga uzatadi. Shu bilan birga, Uaytning o‘zi yaqinda Zuffa Boxing bir nechta keng ko‘lamli shartnomalarni e’lon qilishini ma’lum qildi.
"Yaqin bir necha hafta ichida bizda juda aql bovar qilmaydigan e’lonlar bo‘ladi. Boksda kutganimdan ancha ilgarilab ketdim, bor-yo‘g‘i ikkita turnir o‘tkazdim. Sanoatni silkitadigan ko‘p narsalar sodir bo‘lmoqda: yangi imzolar, bitimlar. Aytmoqchimanki, 2026 yil oxirigacha hamma narsa juda ta’sirli ko‘rinadi", - deya Uaytning so‘zlarini keltiradi BoxingScene portali.













