"Manchester Siti" shu yozda Xosep Gvardiolaning ehtimoliy ketishiga tayyorgarlik ko‘rib, yangi bosh murabbiy izlamoqda. Jurnalist Kristian Falkning bergan ma’lumotlariga ko‘ra, "shaharliklar"ning qisqa ro‘yxatidan "Bavariya" ustozi Vensan Kompani joy olgan.
Biroq belgiyalik mutaxassis hatto "Manchester Siti" uchun ham Myunxen klubini tark etish niyatida emas. Kompanining "Bavariya" bilan shartnomasi 2029 yil 30 iyunga qadar amal qiladi va u jamoaning kelajakdagi loyihasiga qattiq ishonadi.
Eslatib o‘tamiz, Vensan Kompani 2008 yildan 2019 yilgacha "Manchester Siti"da to‘p surgan va klub sardori bo‘lgan. "Shaharliklar" tarkibida belgiyalik himoyachi 12 ta sovrinni qo‘lga kiritgan, ulardan to‘rttasi APL chempionlik unvonidir. Kompani 2024 yildan buyon "Bavariya"ni boshqarib kelmoqda.













