Mavsum yakunida erkin agentga aylanadigan "Bavariya" yarimhimoyachisi Leon Goreska faoliyatini Angliya premyer-ligasida davom ettirishi mumkin. Germaniyalik xavbek xizmatiga Londonning "Arsenal" klubi qiziqish bildirmoqda, deb yozadi Bayern Insider nashri ijtimoiy tarmoqdagi sahifasida.
Qayd etilishicha, Goreskaning o‘zi kuchli ingliz futboli unga mos kelishiga ishonchi komil. Leon mavsumni "Bavariya"da yakunlab, Angliyaga yo‘l olmoqchi.
Joriy mavsumda Leon klub miqyosida 28 ta o‘yinda maydonga tushdi va 1 ta gol urdi. Yarim himoyachining myunxenliklar bilan amaldagi shartnomasi 2026 yilning iyun oyi oxirigacha mo‘ljallangan.













