«Bavariya» yarim himoyachisi Leon Goreska qishki transfer oynasida Londonning «Arsenal» klubiga o‘tishni istamadi.
Yaqinda Myunxen klubi 30 yoshli futbolchi mavsum yakunlanganidan keyin jamoani tark etishini rasman e’lon qildi. Aslida xayrlashuv olti oy oldinroq amalga oshishi ham mumkin edi: «kanonirlar» xavbekka jiddiy qiziqish bildirishgan va qishki transfer oynasining so‘nggi kunida jarohat olgan Mikel Merino o‘rniga uni sotib olmoqchi bo‘lishgan. Biroq jurnalist Kristian Falkning xabariga ko‘ra, futbolchi hozir ketishni xohlamagan va amaldagi shartnomasini oxirigacha bajarishga qaror qilgan. Shunga qaramay, nemis futbolchisi Premyer-liga unga mos keladi deb hisoblaydi, shuning uchun «Arsenal»dan bo‘ladigan taklifni yozda, agar qiziqish saqlanib qolsa, ko‘rib chiqishi mumkin.
Leon Goreskaga da’vogarlar orasida «Tottenxem» klubi ham tilga olinmoqda. Juma kuni futbolchi 31 yoshni qarshi oladi.
