Mashhur germaniyalik sobiq futbolchi Lotar Matteus "Bavariya" qaysi yarimhimoyachini o‘z safiga qo‘shib olishi kerakligini aytdi.

Afsonaga ko‘ra, Myunxen grandi kelasi yozda "RB Leypsig" bilan shartnomasi tugaydigan Ksaver Shlagerni taklif qilish imkoniyatini ko‘rib chiqishi kerak.

"Goreska ketayotgan ekan, Shlager yaxshi nomzod bo‘lishi mumkin. U erkin agent sifatida mavjud, xalqaro tajribaga ega va ko‘p yillar davomida Bundesligada o‘ynagan. "RB Leypsig"da u nafaqat jismoniy ishlarga mas’ul, balki hujumlarni tashkil etishda ham ishtirok etadi. Shlager maydonda Laymerning deyarli egizagi, u ham xuddi shunday yopishqoq, yakkakurashlarda ham yaxshi. Uning kelishi bilan Laymer butunlay o‘ng qanot himoyachisi roliga e’tibor qaratishi mumkin edi", - dedi Matteus.

Ksaver Shlager 4 yillik faoliyatidan so‘ng "RB Leypsig"ni tark etadi.