"Malyorka" bosh murabbiyi Yagoba Arrasate "Barselona"ga qarshi boy berilgan o‘yin yakunlarini sarhisob qildi. Ispaniya chempionatining 23-turidan o‘rin olgan uchrashuv 0:3 hisobida yakunlandi.
"Menimcha, bizning imkoniyatlarimiz birinchi bo‘limdayoq tugagan edi. Nafaqat yaxshi sport formasida bo‘lish, balki zarbalarda aniqlik ham kerak. Birinchi gol tasodifiy rikoshet natijasida yuzaga keldi, vaholanki bizda 2 yoki 3 ta aniq vaziyat bor edi. Ikkinchi bo‘limda esa bizga energiya yetishmadi, raqib kuchlilik qildi", — deya murabbiyning so‘zlaridan iqtibos keltiradi "Marca" nashri.
"Bizda Mateu bilan 5 ta himoyachi bo‘lib o‘ynashdek muqobil variant bor edi. To‘p bilan yaxshi muomala qildik, ammo vaziyatlardan foydalanishda oqsadik. Jamoaga kuch bag‘ishlash uchun uchta almashtirishni amalga oshirishga qaror qildim va aynan shu paytda Lamin Yamal gol urdi. 0:2 hisobidan keyin vaziyat yanada qiyinlashdi".
