"Мальорка" бош мураббийи Ягоба Аррасате "Барселона"га қарши бой берилган ўйин якунларини сарҳисоб қилди. Испания чемпионатининг 23-туридан ўрин олган учрашув 0:3 ҳисобида якунланди.
"Менимча, бизнинг имкониятларимиз биринчи бўлимдаёқ тугаган эди. Нафақат яхши спорт формасида бўлиш, балки зарбаларда аниқлик ҳам керак. Биринчи гол тасодифий рикошет натижасида юзага келди, ваҳоланки бизда 2 ёки 3 та аниқ вазият бор эди. Иккинчи бўлимда эса бизга энергия етишмади, рақиб кучлилик қилди", — дея мураббийнинг сўзларидан иқтибос келтиради "Marca" нашри.
"Бизда Матеу билан 5 та ҳимоячи бўлиб ўйнашдек муқобил вариант бор эди. Тўп билан яхши муомала қилдик, аммо вазиятлардан фойдаланишда оқсадик. Жамоага куч бағишлаш учун учта алмаштиришни амалга оширишга қарор қилдим ва айнан шу пайтда Ламин Ямал гол урди. 0:2 ҳисобидан кейин вазият янада қийинлашди".
