"Milan" vingeri Kristian Pulishich Angliya premyer-ligasiga qaytishi mumkin.
GiveMeSport xabariga ko‘ra, 27 yoshli futbolchining xizmatlariga Londonning "Tottenxem" klubi qiziqish bildirmoqda. Manbaga ko‘ra, "rossonerilar" amerikalik futbolchini yozgi transfer oynasida taxminan 55 million yevroga qo‘yib yuborishi mumkin.
Pulishich 2023 yilning iyulida "Chelsi"dan 20,8 million yevro evaziga "Milan" futbolchisiga aylangandi. Ushbu mavsumda vinger barcha musobaqalarda 20 ta uchrashuvda maydonga tushib, o‘nta gol urdi va ikkita assistni o‘z hisobiga yozdirib qo‘ydi.
Pulishichning Italiya grandi bilan amaldagi mehnat shartnomasi 2027 yilning o‘rtalariga qadar mo‘ljallangan.













